အေပါက္ဝေစ်းသည္မ်ားထံမွ ေငြမေပးဘဲယူသြားသည့္ စားေသာက္ကုန္မ်ားအတြက္ တပ္မေတာ္က ေလ်ာ္ေၾကးေပး၊ ေစ်းသည္မ်ားက လက္မခံခဲ့ဟုဆို

 အေပါက္ဝေစ်းသည္မ်ားထံမွ ေငြမေပးဘဲယူသြားသည့္ စားေသာက္ကုန္မ်ားအတြက္ တပ္မေတာ္က ေလ်ာ္ေၾကးေပး၊ ေစ်းသည္မ်ားက လက္မခံခဲ့ဟုဆို

ေဆာင္းဇာျခည္

နိရဥၥရာ၊ ဒီဇင္ဘာ ၂၆/ ၂၀၂၀

ရခုိင္ျပည္နယ္၊ ေက်ာက္ေတာ္ၿမိဳ႕နယ္၊ အေပါက္ဝေက်းရြာရွိ ေစ်းသည္မ်ား ထံမွ တပ္မေတာ္သားမ်ားက ေငြမေပးဘဲ ယူေဆာင္သြားသည့္ စားေသာက္ကုန္မ်ားအတြက္ တန္ဖိုးကို ေလ်ာ္ေၾကးေပးမည္ဟု တပ္မေတာ္ တာ၀န္ရွိသူမ်ားက ေျပာဆိုေသာ္လည္း ေစ်းသည္မ်ားက လက္မခံခဲ့ေၾကာင္း ေစ်းသည္မ်ားက ေျပာၾကားသည္။

ယေန႔ ေန႔လယ္ပိုင္းက တပ္မေတာ္အရာရွိအခ်ိဳ႕က အေပါက္ဝရဲစခန္းသို႔ ေစ်းသည္မ်ားႏွင့္ ေစ်းေကာ္မတီဝင္ တို႔အား ၄င္းတို႔ႏွင့္ လာေရာက္ေတြ႔ဆံုရန္ အေၾကာင္းၾကား၍ ဦးစံလိႈင္ႏွင့္ ေစ်းသည္ ၈ ဦးတို႔ သြားေရာက္ ေတြ႕ဆံုစဥ္ တပ္ေရးဗိုလ္ၾကီးမွ ထိုသို႕ ေလ်ာ္ေၾကးေပးမည္ဟု ေျပာၾကားခဲ့သည္ဟု ဆိုသည္။ 

ယေန႔ အေပါက္ဝရဲစခန္းတြင္ တပ္ေတာ္မွ တာ၀န္ရွိသူမ်ားႏွင့္ ေတြ႕ဆံုရာတြင္ ပါ၀င္ခဲ့သည့္ ေစ်းသည္ ၈ ဦးထဲမွ မဆန္းဆန္းႏြယ္က “ဒီထက္ဆိုးလာမွာကို စိုးလို႔ ယူသြားတဲ့ပစၥည္းေတြအတြက္ ေလ်ာ္ေပးတဲ့ေငြေတြကို ကြ်န္မတို႔ လက္မခံခဲ့ပါဘူး။ ေငြေပးရင္ရတယ္ဆိုၿပီး ေနာက္တစ္ခါထပ္လုပ္မွာကို ကြ်န္မတို႔ စိုးရိမ္ပါတယ္။ ေငြကိုမလိုဘူး၊ ေနာက္တစ္ခါ ဒီလိုမျဖစ္ေစနဲ႔လို႔ ေျပာခဲ့ပါတယ္။ သူတုိ႔ကလည္း ေနာက္မျဖစ္ေစရဘူး၊ အာမခံတယ္ ဆိုၿပီး ေျပာပါတယ္” ဟု နိရဥၥရာသို႔ ေျပာသည္။

ယေန႕ ေန႕လယ္က အေပါက္၀ ရဲစခန္းေရာက္တြင္ တပ္မ ၂၂ က ဗိုလ္ႀကီး တစ္ဦးမွ ေစ်းေကာ္မတီအပါအ၀င္ ေစ်းသည္ ၈ ဦးႏွင့္ေတြ႕ဆံုခဲ့သည္ဟု သိရသည္။ 

အေပါက္ဝေစ်းေကာ္မတီ ဥကၠ႒ ဦးစံလိႈင္က “ျပည္သူေစ်းသည္ေတြဆီက ယူသြားတဲ့ စားေသာက္ကုန္ေတြရဲ႕ ပစၥည္းတန္ဖိုးက ဘယ္ေလာက္၊ ဘာေတြက ပါသြားတယ္ဆိုတာကို ေမးပါတယ္။ သူတို႔က ပစၥည္းတန္ဖိုးေတြကို ေလ်ာ္မယ္ေပါ့ အဲလိုေျပာတယ္။ ကြ်န္ေတာ္တို႔နဲ႔ ေစ်းသည္ေတြကလည္း ေလ်ာ္ေၾကးကိုမေပးခ်င္လည္းရတယ္၊ တည္တည္တံ့တံ့ သာသာ ယာယာပဲ ျဖစ္ခ်င္တယ္၊ ေနာက္ေနာင္ဒီလိုမျဖစ္ဖို႔ လိုအပ္တယ္ဆိုၿပီးေတာ့ ေျပာခဲ့ၾကပါတယ္။ အဲဒါေတြကို လုပ္မေပးႏိုင္ဘူးဆိုရင္ သတင္းဌာနေတြနဲ႔ သက္ဆိုင္ရာေတြကို တုိင္ၾကား အသိေပးသြားမယ္ဆိုၿပီးေတာ့ ေျပာခဲ့ပါတယ္။ သူတုိ႔ကေတာ့ ေနာက္ေနာင္မျဖစ္ဖို႔ အာမခံတဲ့အေၾကာင္းေတြကို ေျပာခဲ့ပါတယ္” ဟု နိရဥၥရာသို႔ ေျပာသည္။

အေပါက္ဝေက်းရြာတြင္ ဒီဇင္ဘာ ၂၃ ၇က္ေန႔ နံနက္ပိုင္းက ေစ်းေရာင္းခ်သည့္ ေစ်းသည္မ်ားထံမွ စားေသာက္ ကုန္ပစၥည္းမ်ားကို အင္အား ၂၀ ခန္႔ရွိသည့္ တပ္မေတာ္သားမ်ားက ေငြမေပးဘဲ ယူေဆာင္သြားခဲ့သည္။

“ ေစ်းသည္ေတြဆီက ပါသြားတဲ့ တန္ဖိုးက ေလးသိန္းေက်ာ္ေလာက္ရွိတယ္။ ဝက္သား၊ ငါးေျခာက္၊ ကုန္စံုဆိုင္ ေတြကေရာ အကုန္ပဲေပါ့။ ပစၥည္းေတြ ပါသြားတဲ့ ေစ်းသည္ကေတာ့ ၅၀ ေလာက္ရွိတယ္။ ကြ်န္ေတာ္တုိ႔ ရဲစခန္းေရာက္ေတာ့ တပ္မ ၂၂ က ဗိုလ္ႀကီးနဲ႔ေတြ႔တယ္။ နာရီခြဲေက်ာ္ေလာက္ စကားေျပာခဲ့ၾကပါတယ္” ဟု ဦးစံလိႈင္က ဆက္ေျပာသည္။

ထိုသုိ႔ ဒီဇင္ဘာ ၂၃ ရက္ေန႔က ယူေဆာင္သြားၿပီးေနာက္ ယင္းေန႔ ေန႔လယ္ပိုင္းတြင္ ဦးစံလိႈင္ထံ တပ္မေတာ္သားအခ်ိဳ႕က လာေရာက္ကာ အေပါက္ဝေက်းရြာအတြင္း ေရာင္းခ်စားေသာက္ေနၾကသည့္ ေနရာတြင္ စားေသာက္ကုန္မ်ားကို အတင္းအဓမၼေကာက္ယူျခင္း မရွိေၾကာင္း၊ ေက်းရြာအတြင္း မဟုတ္မတရား၊ မေတာ္မတရားဘဲ ဖမ္းဆီးေခၚေဆာင္မႈ မရွိေၾကာင္း ပါရွိသည့္ ခံဝန္ခ်က္စာရြာတစ္ခုတြင္ လက္မွတ္ ေရးထိုး ခိုင္း၍ ဦးစံလိႈင္ကိုယ္တုိင္ လက္မွတ္ေရးထိုးေပးခဲ့ရေၾကာင္းလည္း ဦးစံလိႈင္က ေျပာသည္။

ထို႔အျပင္ ဒီဇင္ဘာ ၂၂ ရက္ေန႔ ညေန ၇ နာရီခန္႔ကလည္း အေပါက္ဝေ က်းရြာမွ ကားဂိတ္မွဴး ဦးသိန္းထြန္း၏ သား အသက္ ၁၈ ႏွစ္အရြယ္ ေမာင္ေအာင္ေနဝင္းမွာ ၄င္း၏ အိမ္၌ရွိေနစဥ္ တပ္မေတာ္သားအခ်ိဳ႕က ကားဂိတ္အနီးရွိ လမ္းမတစ္ခုေပၚမွ ေမာင္ေနဝင္းအား ေခၚထုတ္ကာ ရိုက္ႏွက္ခဲ့ေၾကာင္းလည္း ေမာင္ေနဝင္း၏ ဖခင္ျဖစ္သူ ဦးသိန္းထြန္းက ေျပာသည္။

ဦးသိန္းထြန္းက “ဒီေန႔ မနက္က ေစ်းသည္ေတြနဲ႔ မေတြ႔ခင္ ကြ်န္ေတာ္ မဟုတ္ရင္ ကြ်န္ေတာ့္မိသားစုေတြျဖစ္ျဖစ္ လာေတြ႔ပါဆိုလို႔ ရဲစခန္းကို ကြ်န္ေတာ့္အစ္ကိုသြားေတြ႔ခဲ့ပါတယ္။ အဲဒီမွာ သူတို႔က အခုလိုမ်ိဳး ေနာက္မျဖစ္ေစရဘူးဆိုၿပီး ေျပာပါတယ္။ အဲဒီေန႔က သူတုိ႔ အထက္က စစ္ေဆးခိုင္းလို႔ လုပ္တာဆိုၿပီး ေျပာပါတယ္” ဟု နိရဥၥရာသို႔ ေျပာသည္။

ထိုသုိ႔ ရိုက္ႏွက္ခံရမႈေၾကာင့္ ေနာက္ေက်ာႏွင့္ မ်က္ႏွာတို႔တြင္ ထိခိုက္ ဒဏ္ရာ အခ်ိဳ႕ရရွိခဲ့၍ အေပါက္ဝေဆးခန္း၌ ေဆးကုသမႈ ခံယူခဲ့ရေၾကာင္းလည္း သိရသည္။

----------------- 

Unicode:

အပေါက်ဝစျေးသည်များထံမှ ငွေမပေးဘဲယူသွားသည့် စားသောက်ကုန်များအတွက် တပ်မတော်က လျော်ကြေးပေး၊ စျေးသည်များက လက်မခံခဲ့ဟုဆို

ဆောင်းဇာခြည်

နိရဥ္စရာ၊ ဒီဇင်ဘာ ၂၆/ ၂၀၂၀

ရခိုင်ပြည်နယ်၊ ကျောက်တော်မြို့နယ်၊ အပေါက်ဝကျေးရွာရှိ စျေးသည်များထံမှ တပ်မတော်သားများက ငွေမပေးဘဲ ယူဆောင်သွားသည့် စားသောက်ကုန်များအတွက် တန်ဖိုးကို လျော်ကြေးပေးမည်ဟု တပ်မတော်တာဝန်ရှိသူများက ပြောဆိုသော်လည်း စျေးသည်များက လက်မခံခဲ့ကြောင်း စျေးသည်များက ပြောကြားသည်။

ယနေ့ နေ့လယ်ပိုင်းက တပ်မတော်အရာရှိအချို့က အပေါက်ဝရဲစခန်းသို့ စျေးသည်များနှင့် စျေးကော်မတီဝင် တို့အား ၄င်းတို့နှင့် လာရောက်တွေ့ဆုံရန် အကြောင်းကြား၍ ဦးစံလှိုင်နှင့် စျေးသည် ၈ ဦးတို့ သွားရောက် တွေ့ဆုံစဉ် တပ်ရေးဗိုလ်ကြီးမှ ထိုသို့ လျော်ကြေးပေးမည်ဟု ပြောကြားခဲ့သည်ဟု ဆိုသည်။ 

ယနေ့ အပေါက်ဝရဲစခန်းတွင် တပ်တော်မှ တာဝန်ရှိသူများနှင့် တွေ့ဆုံရာတွင် ပါဝင်ခဲ့သည့် စျေးသည် ၈ ဦးထဲမှ မဆန်းဆန်းနွယ်က “ဒီထက်ဆိုးလာမှာကို စိုးလို့ ယူသွားတဲ့ပစ္စည်းတွေအတွက် လျော်ပေးတဲ့ငွေတွေကို ကျွန်မတို့ လက်မခံခဲ့ပါဘူး။ ငွေပေးရင်ရတယ်ဆိုပြီး နောက်တစ်ခါထပ်လုပ်မှာကို ကျွန်မတို့ စိုးရိမ်ပါတယ်။ ငွေကိုမလိုဘူး၊ နောက်တစ်ခါ ဒီလိုမဖြစ်စေနဲ့လို့ ပြောခဲ့ပါတယ်။ သူတို့ကလည်း နောက်မဖြစ်စေရဘူး၊ အာမခံတယ် ဆိုပြီး ပြောပါတယ်” ဟု နိရဥ္စရာသို့ ပြောသည်။

ယနေ့ နေ့လယ်က အပေါက်ဝ ရဲစခန်းရောက်တွင် တပ်မ ၂၂ က ဗိုလ်ကြီးတစ်ဦးမှ စျေးကော်မတီအပါအဝင် စျေးသည် ၈ ဦးနှင့်တွေ့ဆုံခဲ့သည်ဟု သိရသည်။ 

အပေါက်ဝစျေးကော်မတီ ဥက္ကဋ္ဌ ဦးစံလှိုင်က “ပြည်သူစျေးသည်တွေဆီက ယူသွားတဲ့ စားသောက်ကုန်တွေရဲ့ ပစ္စည်းတန်ဖိုးက ဘယ်လောက်၊ ဘာတွေက ပါသွားတယ်ဆိုတာကို မေးပါတယ်။ သူတို့က ပစ္စည်းတန်ဖိုးတွေကို လျော်မယ်ပေါ့ အဲလိုပြောတယ်။ ကျွန်တော်တို့နဲ့ စျေးသည်တွေကလည်း လျော်ကြေးကိုမပေးချင်လည်းရတယ်၊ တည်တည်တံ့တံ့ သာသာ ယာယာပဲ ဖြစ်ချင်တယ်၊ နောက်နောင်ဒီလိုမဖြစ်ဖို့ လိုအပ်တယ်ဆိုပြီးတော့ ပြောခဲ့ကြပါတယ်။ အဲဒါတွေကို လုပ်မပေးနိုင်ဘူးဆိုရင် သတင်းဌာနတွေနဲ့ သက်ဆိုင်ရာတွေကို တိုင်ကြား အသိပေးသွားမယ်ဆိုပြီးတော့ ပြောခဲ့ပါတယ်။ သူတို့ကတော့ နောက်နောင်မဖြစ်ဖို့ အာမခံတဲ့အကြောင်းတွေကို ပြောခဲ့ပါတယ်” ဟု နိရဥ္စရာသို့ ပြောသည်။

အပေါက်ဝကျေးရွာတွင် ဒီဇင်ဘာ ၂၃ ရက်နေ့ နံနက်ပိုင်းက စျေးရောင်းချသည့် စျေးသည်များထံမှ စားသောက် ကုန်ပစ္စည်းများကို အင်အား ၂၀ ခန့်ရှိသည့် တပ်မတော်သားများက ငွေမပေးဘဲ ယူဆောင်သွားခဲ့သည်။

“ စျေးသည်တွေဆီက ပါသွားတဲ့ တန်ဖိုးက လေးသိန်းကျော်လောက်ရှိတယ်။ ဝက်သား၊ ငါးခြောက်၊ ကုန်စုံဆိုင် တွေကရော အကုန်ပဲပေါ့။ ပစ္စည်းတွေပါသွားတဲ့ စျေးသည်ကတော့ ၅၀ လောက်ရှိတယ်။ ကျွန်တော်တို့ ရဲစခန်းရောက်တော့ တပ်မ ၂၂ က ဗိုလ်ကြီးနဲ့တွေ့တယ်။ နာရီခွဲကျော်လောက် စကားပြောခဲ့ကြပါတယ်။” ဟု ဦးစံလှိုင်က ဆက်ပြောသည်။

ထိုသို့ ဒီဇင်ဘာ ၂၃ ရက်နေ့က ယူဆောင်သွားပြီးနောက် ယင်းနေ့ နေ့လယ်ပိုင်းတွင် ဦးစံလှိုင်ထံ တပ်မတော်သားအချို့က လာရောက်ကာ အပေါက်ဝကျေးရွာအတွင်း ရောင်းချစားသောက်နေကြသည့် နေရာတွင် စားသောက်ကုန်များကို အတင်းအဓမ္မကောက်ယူခြင်း မရှိကြောင်း၊ ကျေးရွာအတွင်း မဟုတ်မတရား၊ မတော်မတရားဘဲ ဖမ်းဆီးခေါ်ဆောင်မှုမရှိကြောင်း ပါရှိသည့် ခံဝန်ချက်စာရွာတစ်ခုတွင် လက်မှတ် ရေးထိုး ခိုင်း၍ ဦးစံလှိုင်ကိုယ်တိုင် လက်မှတ်ရေးထိုးပေးခဲ့ရကြောင်းလည်း ဦးစံလှိုင်က ပြောသည်။

ထို့အပြင် ဒီဇင်ဘာ ၂၂ ရက်နေ့ ညနေ ၇ နာရီခန့်ကလည်း အပေါက်ဝကျေးရွာမှ ကားဂိတ်မှူး ဦးသိန်းထွန်း၏ သား အသက် ၁၈ နှစ်အရွယ် မောင်အောင်နေဝင်းမှာ ၄င်း၏ အိမ်၌ရှိနေစဉ် တပ်မတော်သားအချို့က ကားဂိတ်အနီးရှိ လမ်းမတစ်ခုပေါ်မှ မောင်နေဝင်းအား ခေါ်ထုတ်ကာ ရိုက်နှက်ခဲ့ကြောင်းလည်း မောင်နေဝင်း၏ ဖခင်ဖြစ်သူ ဦးသိန်းထွန်းက ပြောသည်။

ဦးသိန်းထွန်းက “ဒီနေ့ မနက်က စျေးသည်တွေနဲ့ မတွေ့ခင် ကျွန်တော်မဟုတ်ရင် ကျွန်တော့်မိသားစုတွေဖြစ်ဖြစ် လာတွေ့ပါဆိုလို့ ရဲစခန်းကို ကျွန်တော့်အစ်ကိုသွားတွေ့ခဲ့ပါတယ်။ အဲဒီမှာ သူတို့က အခုလိုမျိုး နောက်မဖြစ်စေရဘူးဆိုပြီး ပြောပါတယ်။ အဲဒီနေ့က သူတို့ အထက်က စစ်ဆေးခိုင်းလို့ လုပ်တာဆိုပြီး ပြောပါတယ်။” ဟု နိရဥ္စရာသို့ ပြောသည်။

ထိုသို့ ရိုက်နှက်ခံရမှုကြောင့် နောက်ကျောနှင့် မျက်နှာတို့တွင် ထိခိုက်ဒဏ်ရာအချို့ရရှိခဲ့၍ အပေါက်ဝဆေးခန်း၌ ဆေးကုသမှုခံယူခဲ့ရကြောင်းလည်း သိရသည်။

https://burmese.narinjara.com/.../5fe76c0b3f8935047dbb797e

https://www.facebook.com/narinjara.info/posts/3907221779289870