ARSA အစွန်းရောက် ဘင်္ဂါလီအကြမ်းဖက်သမားများ နှင့် ပတ်သက်ဆက်နွယ်သူ နှစ်ဦးကို မူးယစ်ဆေးဝါးများ၊ မိုင်းနှင့် ဆက်စပ်ပစ္စည်းများနှင့်အတူ အသေ ဖမ်းဆီးရမိဟု တပ်မတော် ထုတ်ပြန်

ARSA အစွန်းရောက် ဘင်္ဂါလီအကြမ်းဖက်သမားများ နှင့် ပတ်သက်ဆက်နွယ်သူ နှစ်ဦးကို မူးယစ်ဆေးဝါးများ၊ မိုင်းနှင့် ဆက်စပ်ပစ္စည်းများနှင့်အတူ အသေ
ဖမ်းဆီးရမိဟု တပ်မတော် ထုတ်ပြန်
-------------------- -----------------
မြန်မာနိုင်ငံ၏ အနောက်ဘက်ခြမ်းလုံခြုံရေးအတွက် ရခိုင်ပြည်နယ်အတွင်းနှင့် မြန်မာ-ဘင်္ဂလားဒေ့ရှ် နယ် စပ်မျဉ်းတစ်လျှောက်၌ လုံခြုံရေးတပ်ဖွဲ့ဝင်များက နယ် စပ်ဒေသလုံခြုံရေးလုပ်ငန်းများကို နေ့ညမပြတ်ဆောင် ရွက်လျက်ရှိသည်။

ထိုသို့ဆောင်ရွက်လျက်ရှိစဉ် မောင်တောမြို့နယ်အတွင်း နယ်မြေလုံခြုံရေး ဆောင်ရွက်လျက်ရှိသော လုံခြုံရေးတပ်ဖွဲ့ဝင်များသည် ဧပြီ ၂၉ ရက်နံနက်ပိုင်းတွင် မြန်မာ-ဘင်္ဂလားဒေ့ရှ် နယ်စပ်မှတ်တိုင်အမှတ် ဘီပီ-၄၁ ၏မြောက်ဘက်မီတာ ၁၅၀၀ ခန့်အကွာ သို့အရောက်၌ မသင်္ကာဖွယ်ရာ အမျိုးသားနှစ်ဦးအားတွေ့ရှိခဲ့သောကြောင့် စစ်ဆေးရန် ခေါ်ယူခဲ့ရာ လာရောက်ခြင်းမရှိဘဲထွက်ပြေးသွားခဲ့သဖြင့် သတိ
ပေးပစ်ခတ်မှုများ ဆောင်ရွက်ခဲ့ရသည်။

၎င်းတို့ထွက်ပြေးသွားရာနေရာတစ်ဝိုက်အား လိုက် လံရှာဖွေခဲ့ရာ ဘင်္ဂါလီအမျိုး သားနှစ်ဦးအား Unicef တံဆိပ်ပါအပြာနုရောင် ကျောပိုးအိတ်အတွင်းမှ အ
ချင်း ၄ လက်မ၊ အမြင့် ၆ လက်မရှိ သံဘူးဖြင့် ပြုလုပ် ထားသည့် ဒေသန္တရလက်လုပ်မိုင်း ၁ လုံး၊ မိုင်းပြု
လုပ်ရာတွင်အသုံးပြုသည့် ဝါယာကြိုးများ၊ ဓာတ်ခဲများ၊ ဓားရှည် ၁ ချောင်း၊ WY စာတန်းပါ စိတ် ကဆေးပြား ၄၇၅၀၀ ပြားတို့နှင့်အတူ အသေတွေ့ရှိဖမ်းဆီးရမိခဲ့
ပြီး ၎င်းတို့ နှစ်ဦးမှာ နယ်စပ်မျဉ်းတစ်လျှောက်လုံခြုံ
ရေးဆောင်ရွက်နေသော တပ်ဖွဲ့ဝင်များအား မိုင်း
ထောင်၊ မိုင်းဆွဲခြင်း၊ မူးယစ်ဆေးဝါးများသယ်ဆောင်
ခြင်းများကို ပြုလုပ်လျက်ရှိသည့် ARSA အစွန်းရောက် ဘင်္ဂါလီအကြမ်းဖက်သမားများနှင့် ပတ်သက်ဆက်
နွယ်နေသူများဖြစ်ကြောင်း သိရှိရသည်။

အဆိုပါ ARSA အစွန်းရောက်ဘင်္ဂါလီအကြမ်းဖက်သမားများနှင့် ပတ်သက်ဆက်နွယ်နေသည့် အသေဖမ်းဆီးရမိဘင်္ဂါလီအမျိုးသား ၂ ဦး၏ ရုပ်အလောင်းများ၊ မူးယစ်ဆေး ဝါး၊မိုင်းနှင့်ဆက်စပ်ပစ္စည်းများအား လုပ် ထုံးလုပ်နည်းများနှင့်အညီဆောင်ရွက်နိုင်ရေး အောင် ဇူနယ်မြေရဲစခန်းသို့ ဆက်လက်လွှဲပြောင်းသွားမည်
ဖြစ်ကြောင်းနှင့် လုံခြုံရေးတပ်ဖွဲ့ဝင်များက နယ်စပ်
ဒေသတည်ငြိမ်အေးချမ်းရေးလုပ်ငန်းများအား ဆက် လက်ဆောင်ရွက်လျက်ရှိကြောင်း သတင်းရရှိသည်။

Credit း တပ်မတော်ကာကွယ်ရေးဦးစီးချုပ်ရုံး
The Ladies News

https://www.facebook.com/News.TheLadies/photos/a.337292599779049/1482159221959042/?type=3&__xts__%5B0%5D=68.ARByN500EF2YI1rzEtRUT_9anU1f9ChnkMQ0mPzzjbcZ6fBt3bsnEHRJm6_FEdvLz8gyqJMWlY_y11AeSoCcfRhBU58wcCOKtN0KJ9medyLPf8UxK2zkOskZzRQlCM-yCGkLb_-YAiLH44LpgqUz7Az_ZEvJufkYbvCxTdZOjyNT2rGS2UGTELRbwA7YTVS_IU10E3nYVN383iLOskxwFo51hm_o42omiquTts1WUEE1bbOwXLiZByJHA6HX60lDgsHllmO43S8hnFWtfKHNmpgL4Dq5P9aBbCgDcozLg2hFnmm4fPkVAIn4Z9xr8vQAQsGDn2vdHdep9KZadW-x-5HXww&__tn__=-R