မောင်တောတွင် မိုင်းပေါက်ကွဲမှုကြောင့် နှစ်ဦး သေဆုံး၊ သုံးဦး ဒဏ်ရာရရှိ
01-Apr-2020
ရန်ကုန်၊ မတ် ၃၁
ရခိုင်ပြည်နယ်၊ မောင်တောမြို့နယ်အတွင်း မိုင်းတစ်လုံးပေါက်ကွဲမှုကြောင့် ဒေသခံပြည်သူနှစ်ဦးသေဆုံးခဲ့ပြီး သုံးဦး မိုင်းစထိမှန်ဒဏ်ရာများရရှိခဲ့ကြောင်း တပ်မတော်ကသတင်းထုတ်ပြန်သည်။
ရခိုင်ပြည်နယ်၊ မောင်တောမြို့နယ်၊ ခမောင်းဆိပ်ကျေးရွာနှင့် မင်္ဂလာညွန့် ကျေးရွာနေ ဒိုင်းနက်လူမျိုး ရွာသား ၁၂ ဦးသည် မတ်လ ၃၀ ရက်နေ့နံနက်ပိုင်းက အမဲလိုက်ရန် ခမောင်းဆိပ်ကျေးရွာမှ မော်တော်ဆိုင်ကယ်လေးစီးဖြင့် ထွက်ခွာခဲ့ရာ ခမောင်းဆိပ်-အောင်ဇူကားလမ်းဘေး၌ မော်တော်ဆိုင်ကယ်များကို ရပ်တန့်၍ လမ်းလျှောက်သွားစဉ် လှိုင်သီချောင်းတံတားနှင့် ပေ ၂၀ ခန့်အကွာသို့ အရောက်၌ မိုင်းတစ်လုံးပေါက်ကွဲခဲ့သဖြင့် ရွာသားနှစ်ဦးသေဆုံးပြီး သုံးဦးမိုင်းစထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။
မိုင်းထိလူနာများသည် ခမောင်းဆိပ်ကျေးရွာရှိ နယ်မြေခံတပ်သို့ ရောက်ရှိလာရာ တပ်မတော်သားများက လိုအပ်သည့် ဆေးဝါးကုသမှုများဆောင်ရွက်ပေးပြီး မောင်တောမြို့ရှိ ပြည်သူ့ဆေးရုံသို့ ပို့ဆောင်ဆေးကုသမှုခံယူစေခဲ့ကြောင်းလည်း တပ်မတော်ထုတ်ပြန်ချက်တွင် ဖော်ပြထားသည်။
No comments:
Post a Comment