ကိုရိုနာဗိုင်းရပ်စ်ကာကွယ်ရေး အသိပညာပေးသည့် ရွာသူကြီး ဓားဖြင့်အထိုးခံရ
31-Mar-2020
ကျိုင်းတုံ၊မတ် ၃၁
ရှမ်းပြည်နယ်(အရှေ့ပိုင်း)ကျိုင်းတုံမြို့ အမှတ်(၁)ရပ်ကွက် ဟိုနားအောက်ရွာတွင် မတ္လ ၃၀ ရက်နေ့ ည ၇ နာရီခန့်က ကိုရိုနာဗိုင်းရပ်စ်ရောဂါ ကာကွယ်ရေးနှင့်ပတ်သက်၍ အသိပညာပေးသည့် ရွာသူကြီးတစ်ဦး ဓားဖြင့်အထိုးခံရကြောင်း ကျိုင်းတုံမြို့မရဲစခန်းမှူး ဒုရဲမှူးတင်မောင်ဆွေက ပြောကြားသည်။
"ရွာသူကြီးနဲ့ဆယ်အိမ်ခေါင်းက ဒီရောဂါနဲ့ပတ်သက်ပြီး ညအိပ်ညည့်နေ ဧည့်သည်တွေလာရင် အကြောင်းကြားပေးဖို့ လိုက်ပြောချိန်မှာ သူ့အိမ်ထဲအထိ ဝင်ပြောရမလားဆိုပြီး ဓားနဲ့ထိုးတာလို့သိရတယ်။တရားခံကိုတော့ ဒီမနက် ၁၁ နာရီကျော်မှာ ဖမ်းမိခဲ့တယ်"ဟု၎င်းကဆိုသည်။
အဆိုပါဖြစ်စဉ်တွင် ရွာသူကြီး ဦးအောင်မြင့်သန်း(၅၅ နှစ်)သည် ယာဘက်ဝမ်းဗိုက်ဘေး ၄ လက်မခန့် ပွန်းခြစ်ဒဏ်ရာနှင့်နောက်ကျောဝဲဘက်လက်ပြင် ၁ လက်မခန့်ပြတ်ရှဒဏ်ရာ ရရွိခဲ့၍ ဦးအောင်ဝင်း(၅၇ နှစ်)ကို (ပ)၂၆၂/၂၀၂၀၊ရာဇသတ်ကြီးပုဒ်မ-၃၃၃ ဖြင့် အရေးယူထားကြောင်း ကျိုင်းတုံမြို့မရဲစခန်းထံမှ သိရသည်။
No comments:
Post a Comment