မြန်မာနိုင်ငံသားများ၏ဆန္ဒကို လေးစားလိုက်နာရန် တပ်မတော်ခေါင်းဆောင်များကို အမေရိကန်နိုင်ငံခြားရေးဝန်ကြီး တောင်းဆို
နိုဝင်ဘာ ၈ ရက်တွင် ပြုလုပ်ခဲ့သည့် ဒီမိုကရေစီနည်းကျ ရွေးကောက်ပွဲ၌ ထုတ်ဖော်ပြသခဲ့ပြီးဖြစ်သည့် မြန်မာနိုင်ငံသားများ၏ဆန္ဒကို လေးစားလိုက်နာရန် မြန်မာတပ်မတော်ခေါင်းဆောင်များကို တောင်းဆိုလိုကြောင်း အမေရိကန်နိုင်ငံခြားရေးဝန်ကြီး အန်တိုနီဘလင်ကင် က ယနေ့(ဖေဖော်ဝါရီ ၁ ရက်) တွင် ထုတ်ပြန်သည့် အမေရိကန်သံရုံး၏ထုတ်ပြန်ကြေညာချက်တွင် ပြောဆိုထားသည်။
ထို့အပြင် အစိုးရတာဝန်ရှိသူအားလုံးနှင့် အရပ်ဘက်အဖွဲ့အစည်းခေါင်းဆောင်များကို ပြန်လွှတ်ပေးရန် တောင်းဆိုလိုကြောင်း၊ နိုဝင်ဘာ ၈ ရက် ဒီမိုကရေစီနည်းကျ ရွေးကောက်ပွဲတွင်ထုတ်ဖော်ပြသခဲ့ပြီးဖြစ်သည့် မြန်မာနိုင်ငံသားများ၏ဆန္ဒကို လေးစားလိုက်နာရန် မြန်မာတပ်မတော်ခေါင်းဆောင်များကို တောင်းဆိုလိုကြောင်း အန်တိုနီဘလင်ကင် က ပြောကြားထားသည်။
၎င်းအနေဖြင့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အရပ်ဘက်လူမှုအဖွဲ့အစည်းခေါင်းဆောင်များအပါအဝင် အရပ်သားအစိုးရခေါင်းဆောင်အများအပြားကို မြန်မာ့တပ်မတော်က ဖမ်းဆီးထိန်းသိမ်းလိုက်သည့်သတင်းများကြောင့် အမေရိကန်ပြည်ထောင်စုအနေနှင့် အကြီးအကျယ် စိုးရိမ်သောကရောက်ရကြောင်း ပြောဆိုသည်။
အမေရိကန်ပြည်ထောင်စုသည် ဒီမိုကရေစီ၊ လွတ်လပ်မှု၊ ငြိမ်းချမ်းမှုနှင့် ဖွံ့ဖြိုးမှုကိုလိုလားသည့် မြန်မာနိုင်ငံသားများနှင့်အတူ ရပ်တည်လျက်ရှိပြီး တပ်မတော်အနေဖြင့် ယခုကဲ့သို့သော ပြုမှုဆောင်ရွက်မှုများကို ချက်ချင်းနောက်ပြန်ဆုတ်ရမည်ဖြစ်ကြောင်း အမေရိကန်သံရုံး၏ ထုတ်ပြန်ကြေညာချက်တွင် ဖော်ပြထားသည်။
http://sdtimedaily.com/2021/02/01/zm05-272/
No comments:
Post a Comment