တိုင်းရင်းသား လက်နက်ကိုင် အဖွဲ့သုံးဖွဲ့က ဖမ်းဆီးထားသူများ ပြန်လည် လွတ်မြောက်ရေး မိသားစုဝင်များ မုံရွာမြို့တွင် သတင်းစာရှင်းလင်းပွဲပြုလုပ်တောင်းဆို
စစ်ကိုင်းတိုင်းဒေသကြီး ယင်းမာပင်ခရိုင် ဆားလင်းကြီးမြို့နယ် ငွေသာကျေးရွာ၊ ကံကြီးကျေးရွာ၊ ဆင်ဖြူချီကျေးရွာတို့မှ ကျေးရွာသား ၁၁ ဦးကို တိုင်းရင်းသားလက်နက်ကိုင်အဖွဲ့ သုံးဖွဲ့က ဖမ်းဆီးထားသည့် အတွက် ၎င်းတို့အား ပြန်လည်လွှတ်ပေးရန် ဇန်နဝါရီ ၃၁ရက် မွန်းလွဲပိုင်းက မုံရွာမြို့ မန်ကျည်းအုပ်တောရ ဘုန်းတော်ကြီးကျောင်းတွင် မိသားစုဝင်များက သတင်းစာရှင်းလင်း ပွဲပြုလုပ်ကာ တောင်းဆိုခဲ့ကြောင်း သိရ သည်။
အဆိုပါ ဖမ်းဆီးခံခဲ့ရသူများသည် ၂၀၁၃ ခုနှစ်၊ ၂၀၁၈ ခုနှစ်၊ ၂၀၁၉ ခုနှစ်များ အတွင်းက စစ်ကိုင်းတိုင်းဒေသကြီး ဆားလင်းကြီးမြို့နယ်မှ တိုင်းရင်းသားလက် နက်အဖွဲ့များ လှုပ်ရှားရာနယ်မြေအတွင်း စောင်၊ ခြင်ထောင်စသည့်ပစ္စည်းများကို ဆိုင်ကယ်ဖြင့် အရောင်းသွားရာမှတစ်ဆင့် ဖမ်းဆီးခံခဲ့ရခြင်းဖြစ်ကြောင်း သိရသည်။
“ကချင်ပြည်နယ် တနိုင်းနဲ့ ဖားကန့် ကြားမှာ ၂၀၁၃ ခုနှစ်က စောင်၊ ခြင်ထောင် သွားပြီး ရောင်းရာကနေ KIA က ဖမ်းဆီး သွားပါတယ်။ သူတို့တွေ ရွာပြန်မလာတာ ကြာတော့ ကျွန်တော်တို့က သူတို့တည်းတဲ့ အိမ်အထိ လိုက်သွားတယ်။ အဲဒီရောက် တော့ ကျွန်တော်တို့ရဲ့သားတွေကို KIA က ဖမ်းဆီးသွားတဲ့အကြောင်း မျက်မြင်တွေ့ လိုက်တဲ့သူတွေက ပြန်ပြောလို့သိရတယ်။ ၂၀၁၈ ခုနှစ်၊ ၂၀၁၉ ခုနှစ်ကလည်း ဆား လင်းကြီးမြို့နယ် ငွေသာကျေးရွာက အမျိုး သားတစ်ယောက်နဲ့ ကံကြီးကျေးရွာက အမျိုးသားငါးဦးကိုလည်း RCSS/SSA နဲ့ TNLA တပ်ဖွဲ့တွေက ဖမ်းဆီးသွားပြန် တယ်။ အဲဒီတုန်းကလည်း ရွာကိုပြန်မလာကြ တော့ မိသားစုဝင်တွေက လိုက်သွားပြီး စုံ စမ်းတော့ အဲဒီလက်နက်ကိုင်အဖွဲ့တွေက ဖမ်းဆီးခေါ်ဆောင်သွားတယ ်ဆိုတာကို သိခဲ့ရတယ်။ အခုအထိ မိသားစုဝင်တွေနဲ့ အဆက်အသွယ် မရသေးသလို ပြန်လွတ် လာတာလည်း မရှိသေးပါဘူး။ သူတို့တစ် တွေ ပြန်လည်လွတ်မြောက်ရေးအတွက် အခုလို သတင်းစာရှင်းလင်းပွဲလုပ်ပြီး တောင်းဆိုရတာပါ” ဟု မိသားစုဝင်များက ပြောကြားသည်။
ဆားလင်းကြီးမြို့နယ် ဆင်ဖြူချီကျေး ရွာမှ စိုးလင်း၊ မောင်ဇော်၊ ကျော်သန်းစိန်၊ သန့်စင်ဦး၊ ဇော်လှိုင်ဦးတို့ ငါးဦးကို ၂၀၁၃ ခုနှစ်အတွင်းက ကချင်ပြည်အတွင်း စောင်၊ ခြင်ထောင်သွားရောင်းရာကနေ KIA က ဖမ်းဆီးသွားခဲ့ကြောင်း သိရသည်။
အလားတူ ဆားလင်းကြီးမြို့နယ် ငွေသာကျေးရွာမှ ဝင်းမိုးကျော်သည် ၂၀၁၈ ခု နှစ်အတွင်းက ရှမ်းပြည်နယ်သို့ စောင်၊ ခြင် ထောင် သွားရောင်းရာကနေ RCSS/SSA က ဖမ်းဆီးခေါ်ဆောင်သွားခဲ့သည်ဟု သိရ သည်။
ထို့အတူ ဆားလင်းကြီးမြို့နယ် ကံကြီး ကျေးရွာမှ နေထက်လင်း၊ ဇော်ဌေးအောင်၊ မျိုးနိုင်၊ မြင့်နိုင်ဦး၊ တေဇာဒွေးတို့ငါးဦးသည် ၂၀၁၉ ခုနှစ်အတွင်း ရှမ်းပြည်နယ်သို့ စောင်၊ ခြင်ထောင် သွားရောင်းရာကနေ TNLA အဖွဲ့က ဖမ်းဆီးခေါ်ဆောင်သွားခဲ့ကြောင်း သိရသည်။
https://news-eleven.com/article/203670
No comments:
Post a Comment