မိုးကုတ်မြို့ပေါ်မှာ ထွက်ပြေးတိမ်းရှောင်လာတဲ့ဒေသခံတွေကို တာဝန်ရှိသူတွေက နေရပ်အသီးသီးပြန်လည်ပို့ ဆောင်ပေး
မိုးကုတ်၊ မားနဂါး ။
မန္တလေးတိုင်းဒေသကြီး မိုးကုတ်မြို့ပေါ်မှာ ထွက်ပြေးတိမ်းရှောင်လာတဲ့ ဒေသခံပြည်သူအချို့တွေကို နိုဝင်ဘာလ ၂၉ရက်နေ့မှာနေရပ်ကိုပြန်လည်ပို့ဆောင်ပေးပြီး ဒီနေ့ဒီဇင်ဘာလ ၁ရက်နေ့မှာ နေရပ်အသီးသီးကို အကုန်လိုက်ပို့ ပေးမှာဖြစ်တယ်လို့ လီဆူစာပေနှင့်ရိုးရာယဉ်ကျေးမှု ဒု-ဥက္ကဌ ကိုအားလုက မားနဂါးသတင်းဌာနကိုပြောပါတယ်။
အဆိုပါထွက်ပြေးတိမ်းရှောင်လာတဲ့ဒေသခံပြည်သူတွေကတော့ မိုးကုတ်မြို့နယ် ကျောက်ဝါကျေးရွာ၊မန်းနား ကျေးရွာ၊ လီတာကျေးရွာ၊ လီဆူကုန်းဆံကျေးရွာနဲ့ ချောင်းကြီးကျေးရွာကဒေသခံတွေဖြစ်ကြပြီး မိုးကုတ်မြို့ပေါ် လီဆူပတ္တမြားခန်းမ၊ ဆီဆူဗုဒ္ဓဘာသာကျောင်း၊ ရွှေကူခန်းမတွေမှာ ပြီးခဲ့တဲ့ နိုဝင်ဘာလ ၂၅ရက်ကထွက်ပြေး တိမ်းရှောင်လာကြတဲ့ ဒေသခံပြည်သူတွေပဲဖြစ်ကြပါတယ်။
ပတ္တမြားခန်းမရှိ ဒေသခံပြည်သူတွေကို နေရပ်အသီးသီးပြန်လည်ပို့ဆောင်ကူညီပေးခဲ့တဲ့လီဆူစာပေနှင့်ရိုးရာ ယဉ်ကျေးမှု ဒု-ဥက္ကဌ ကိုအားလုက
" ၂၉ရက်နေ့ ညနေပိုင်းချိန်မှာ ကျောက်ကြီး၊ကျောက်ဝါပြည်သူလူထုတွေကို အိမ်တိုင်ရာရောက် လိုက်ပို့ပေး ပြီး၊ဒီနေ့ နေ့လည်းထမင်းစားပြီးရင်လည်းကျောက်ဝါ၊ လီဆူကုန်းဆံ၊မန်နားကျေးရွာက ပြည်သူတွေကိုလည်း ပြန်ပို့ပေးမယ်။နောက်ဆုံးပြန်သွားတဲ့အိမ်ထောင်စု ၂၂အိမ်ထောင်စုကတော့ တချို့အလှူရှင်တွေလာလှူထားတဲ့ ဆန်၊ဆီ၊ကြက်သွန်၊ခရမ်းချဉ်သီး၊ငါးခြောက်၊ အသားတု၊ ပိုက်ဆံတစ်အိမ်ထောင်စုကို၁သောင်းနှုန်းနဲ့ ပြန်ပေးလိုက် တယ်"လို့မားနဂါးသတင်းဌာနကိုပြောပါတယ်။
လီဆူပတ္တမြားခန်းမမှာလာရောက်ခိုလှုံကြတဲ့ ပြည်သူလူထုတွေကို နိုင်ငံတော်အစိုးရထောက်ပံ့ပေးတဲ့ တစ်ဦးကို ၂၁ဝဝနှုန်းကိုလည်း ပြန်တဲ့ချိန်မှာ ပြန်ပေးလိုက်ပြီး တချို့မရတဲ့ကျေးရွာပြည်သူလူထုတွေကို ကျေးရွာအုပ်စု အုပ်ချုပ်ရေးမှူးတွေကနေတဆင့် ကျေးရွာအုပ်စုတွေကို ပြန်ပေးလိုက်တယ်လို့သူကဆက်ပြောပါတယ်။
ပြီးခဲ့တဲ့ နိုဝင်ဘာလ ၂၄ရက်နေ့က မိုးကုတ်မြောက်ပိုင်းခြမ်းပိန်းပြစ်ကျေးရွာနဲ့ချောင်းကြီးကြားမှာ မြန်မာ့တပ် မတော်နဲ့ တအာင်းအမျိုးသားလွတ်မြောက် ရေးတပ်မတော်(TNLA)တို့ကြားဖြစ်ပွားတဲ့တိုက်ပွဲကြောင့် ဒေသခံပြည်သူတွေ ထွက်ပြေးတိမ်းရောင်လာရခြင်းဖြစ်ပါတယ်။
မြန်မာ့တပ်မတော်ဘက်ကနေ အကြမ်းဖက်အဖွဲ့အစည်းရှိတဲ့နေရာမှအပ ကျန်နယ်မြေတွေမှာ တပ်မတော်အ နေနဲ့စစ်ရေးဆိုင်ရာလှုပ်ရှားမှုတွေကို ဒီနေ့ ဒီဇင်ဘာလ ၁ရက်နေ့ကနေ ၃၁ရက်နေ့ထိ တပ်မံတိုးမြှင့်ရပ်ဆိုင်းပေး သွားမယ်လို့ တပ်မတော်ကာကွယ်ရေးဦးစီးချုပ်ရုံးက ဒီကနေ့မနက်မှာ ထုတ်ပြန်ထားကြေညာထားပါတယ်။
https://www.facebook.com/MarnagarMultimediaNews/posts/4056426641053197?__cft__[0]=AZX6GCyoaXSM4OeUSSLSMdAXede4_-I3jLT-azn-9Lt6DqZqDfkdg7NLKlY8Lp3bvOkZGe9obT9tpxwV6xJb643i0vgbqqh0eeRDLqSnAqaBLPDcouGdLOYecdNYEHYO7sv6UycfNnP92RyrVEs7gSuM&__tn__=%2CO%2CP-R
No comments:
Post a Comment