ကချင်စစ်ဘေးရှောင်များနေရပ်ပြန်ချိန်တွင် တပ်မတော်မှ မိုင်းရှင်းလင်းရေးဆောင်ရွက်ပေးမည်

 ကချင်ပြည်နယ်ရှိ စစ်ဘေးရှောင်များနေရပ်ပြန်ချိန်တွင် တပ်မတော်မှ မြေမြှုပ်မိုင်းရှင်းလင်းရေးကို ဆောင်ရွက်ပေးမည်ဖြစ်ကြောင်း ကချင်နှစ်ခြင်း ခရစ်ယာန်အဖွဲ့ချုပ် (KBC) ဥက္ကဋ္ဌ သိက္ခာတော်ရ ဆရာကြီး ဒေါက်တာခလမ်ဆမ်ဆွန် က The Ladies News သို့ ပြောကြားသည်။

 

ယနေ့နံနက်ပိုင်းတွင် တပ်မတော်ကာကွယ်ရေးဦးစီးချုပ်က မြောက်ပိုင်းတိုင်းစစ်ဌာနချုပ်ရှိ မလိခရိပ်သာ၌ KBC ဥက္ကဋ္ဌ နှင့် အဖွဲ့ဝင်များအား လက်ခံတွေ့ဆုံစဉ်တွင် IDP များ နေရပ်ပြန်ရေး ကိစ္စကိုဆွေးနွေးရာ၌ တပ်မတော်မှ မိုင်းရှင်းလင်းရေး ဆောင်ရွက်ပေးမည်ဖြစ်ကြောင်း တပ်မတော်ကာကွယ်ရေးဦးချုပ် က ပြောကြားခဲ့ခြင်းဖြစ်သည်။

 

ဒေါက်တာခလမ်ဆမ်ဆွန် က '' ကျွန်တော်တို့ သဘောတူညီမှု တစ်ခုရခဲ့ပါတယ်။ အဲဒါကတော့ တပ်မတော်က ပြန်တဲ့အချိန်မှာ ကျွန်တော်တို့ IDP တွေ စိုးရိမ်နေတဲ့ မိုင်းရှင်းလင်းရေး။ မြေမြှုပ်မိုင်းရှင်းလေးကို အားလုံးပြန်တဲ့ အထိ အဆုံးအထိအောင် ကူညီပါမယ်ဆိုတဲ့ သဘောတူညီချက်ကို ရရှိခဲ့ပါတယ်'' ဟု ဆိုသည်။

 

တပ်မတော်မှ အပစ်အခတ်ရပ်စဲထားသည့် ကာလအတွင်း၌ ကချင်လက်နက်ကိုင်အဖွဲ့ (KIA) အပါအဝင် NCA တွင် လက်မှတ်ရေးထိုးထားခြင်းမရှိသော အဖွဲ့များအား လက်မှတ်ရေးထိုးစေလိုကြောင်းကို တပ်မတော်ကာကွယ်ရေးဦးစီချုပ်က ပြောကြားသည်ဟု လည်း ဒေါက်တာခလမ်ဆမ်ဆွန် က ပြောသည်။

 

''ထိုးပြီးမှ ဒီမိုကရေစီကို ပီပြင်အောင်။ ငြိမ်းချမ်းရေးကို အမြန်ဆုံးရအောင်ဆိုတဲ့ ရည်ရွယ်ချက်ရှိတယ်ဆိုတာ ကျွန်တော်တို့ တွေ့ရတာပေါ့ '' ဟု ဒေါက်တာခလမ်ဆမ်ဆွန် က ပြောကြားသည်။

 

နောက်နှစ် မိုးမရောက်ခင်တွင် စစ်ဘေးရှောင်များထဲမှ အိမ်ခြေ တစ်ထောင်ကျော် နှစ်ထောင်နီးပါး နေရပ်ပြန်နိုင်ရေးကို KBC မှ ဆောင်ရွက်နေကြာင်းလည်း သိရသည်။

 

http://www.theladiesnewsjournal.com/news/tue-2020-12-01-1447/14117