🟢 နမ္မတူမြို့နယ်ထဲက အခြေခံလူတန်းစား အိမ်ထောင်စု (၅ဝဝ)နီးပါးကို စားနပ်ရိက္ခာ ထောက်ပံ့ပေ

🟢 နမ္မတူမြို့နယ်ထဲက အခြေခံလူတန်းစား အိမ်ထောင်စု (၅ဝဝ)နီးပါးကို စားနပ်ရိက္ခာ ထောက်ပံ့ပေး
http://www.shwepheemyay.com/covid-19-food-ntu-donation/
လွေးနှင်းဖြူ၊ ရွှေဖီမြေ
ဇွန်လ ၁ ရက်၊ နမ္မတူ

ပြီးခဲ့တဲ့ မေလ ၃၀ ရက်က ရှမ်းပြည်နယ်မြောက်ပိုင်း နမ္မတူမြို့နယ်မှာ COVID-19 ကာလအတွင်း ရပ်ကွက် ၇ ခုထဲက အိမ်ထောင်စု (၄၉၄)စုကို အလှူရှင်တွေက စားနပ်ရိက္ခာ ကူညီထောက်ပံ့ပေးခဲ့တယ်လို့ သိရပါတယ်။

နမ္မတူမြို့နယ် စစ်ရှောင်စခန်း ကူညီထောက်ပံ့ရေးကော်မတီအတွင်းရေးမှူး ဦးအောင်ဆန်းမြင့်က “အလှူရှင်တွေပေါင်းပြီးမှ ထောက်ပံ့ပေးတာပါ။ အခုက ရပ်ကွက်ခုနှစ်ခု ထောက်ပံ့ပြီး ကျန်တဲ့ရပ်ကွက်တွေ ဒီတစ်ပတ်ထဲ သွားကူညီဖို့ အစီစဉ်ရှိတယ်။ ထောက်ပံ့ကူညီပေးတာလည်း အခြေခံလူတန်းစား တနေ့လုပ် တနေ့စားလူတွေဖြစ်တယ်” လို့ ဒီနေ့ ဇွန်လ ၁ ရက်မှာ ရွှေဖီမြေကို ပြောပါတယ်။

အိမ်ထောင်စု ၁ စုလျှင် ဆန် ၅ ပြည်၊ ဆီ ၅၀ သား၊ ဆား ၅၀ သား၊ ကြက်သွန်နီ ၅၀ သား၊ ပဲ ၅၀ သား၊ ဆပ်ပြာမှုန့် ၁ ထုပ််နဲ့ နှာခေါင်းစည်း Mask ၁ ခုတို့ကို ကူညီထောက်ပံ့ပေးတာပဲ ဖြစ်ပါတယ်။

ရပ်ကွက် ၇ ခုအတွင်းရှိ အခြေခံလူတန်းစား အိမ်ထောင်စု (၄၉၄)စုကို ဆန် (၂,၄၇၀)ပြည်၊ ဆီ (၂၄၇)ပိဿာ၊ ဆား (၂၄၇)ပိဿာ၊ ကြက်သွန်နီ (၂၄၇)ပိဿာ၊ ကုလားပဲ (၂၄၇)ပိဿာ၊ ဆပ်ပြာမှုန့် (၄၉၄)ထုပ်နဲ့ နှာခေါင်းစည်း Mask (၅၅၀)ခုကို ပေးအပ်ခဲ့ပါတယ်။

နမ္မတူမြို့နယ် တိုက်ပွဲရှောင်စခန်း ၃ ခုထဲက ၁ အိမ်ထောင်စုကို ဆန် ၃ ပြည်၊ ဆီ ၂၀ သား၊ ပဲ ၅၀ သားနဲ့ ဆား ၂၅ ကျပ်သား စုစုပေါင်း အိမ်ထောင်စု (၁၂၂)စုအတွက် ရှမ်းပြည်နယ်စားနပ်ရိက္ခာထောက်ပံ့ရေးကော်မတီက ကူညီထောက်ပံ့ပေးခဲ့တယ်လို့ ဦးအောင်ဆန်းမြင့်က ​ဆိုပါတယ်။

“မနေ့(မေလ ၃၁ ရက်)က တိုက်ပွဲရှောင်သူတွေအတွက် ရှမ်းပြည်နယ် စားနပ်ရိက္ခာ ထောက်ပံ့ရေးကော်မတီက ထောက်ပံ့ပေးတဲ့ဟာကို သွားဝေပေးလိုက်တယ်။ ဒီတိုက်ပွဲရှောင်လူတွေအတွက်ပေါ့။ သီးသန့်အလှူရှင်တွေ ပေးအပ်လှူဒါန်းတဲ့ဟာကတော့ စစ်ဘေးရှောင်တွေအတွက် မပါဘူး” ဆိုပြီး ၎င်းက ဆက်ပြောပါတယ်။

#စားနပျရိက်ခာ #နမ်မတူ #Covid-19
#ဓာတ်ပုံ- IPRD
https://m.facebook.com/story.php?story_fbid=709797003169767&id=451214215694715

https://www.facebook.com/shwepheemyaynews/photos/a.451237879025682/709796983169769/?type=3&__tn__=-R