VOM အယ်ဒီတာချုပ်ကို ဖမ်းဆီးမှုအပေါ်မြန်မာနိုင်ငံသတင်းမီဒီယာကောင်စီ သတင်းထုတ်ပြန်ချက်
.
၂၀၂၀ ပြည့်နှစ်၊ မတ်လ ၃၁ ရက်၊ အင်္ဂါနေ့
.
Voice Of Myanmar (VOM) သတင်းဌာန၏ အယ်ဒီတာချုပ်နှင့် CEO ဖြစ်သူ ဦးနေလင်း (ခေါ်) ဦးနေမျိုးလင်း အား ယမန်နေ့ မတ်လ(၃၀)ရက်၊ ည(၉)နာရီခွဲခန့် အချိန်တွင် CID မှဟု ဆိုသူလူတစ်စုက ကားဖြင့်လာရောက် ခေါ်ဆောင်သွားခဲ့ကြောင်း၊ ၎င်းကိစ္စနှင့်ပတ်သက်၍ မြန်မာနိုင်ငံသတင်းမီဒီယာကောင်စီအနေဖြင့် သတင်းမီဒီယာ ဥပဒေပါ ကောင်စီ၏လုပ်ပိုင်ခွင့်များကိုကျင့်သုံး၍ သက်ဆိုင်ရာဌာနများနှင့် စေ့စပ်ညှိနှိုင်းဖြေရှင်း ဆောင်ရွက်ပေးပါရန် မေတ္တာရပ်ခံပန်ကြားအပ်ပါကြောင်း ဦးနေလင်း (ခေါ်) ဦးနေမျိုးလင်း ၏ဇနီးဖြစ်သူက မြန်မာနိုင်ငံသတင်းမီဒီယာ ကောင်စီထံ စာရေးသားပေးပို့လာပါသည်။
.
မြန်မာနိုင်ငံသတင်းမီဒီယာကောင်စီသည် ယနေ့နံနက်တွင် အဆိုပါကိစ္စနှင့်ပတ်သက်ပြီး စုံစမ်းခဲ့ရာ ဦးနေလင်း (ခေါ်) ဦးနေမျိုးလင်းအား အကြမ်းဖက်မှုတိုက်ဖျက်ရေးဥပဒေ ပုဒ်မ(၅၀)က၊ (၅၂)က တို့ဖြင့် မန္တလေးတိုင်း မှုခင်းသတင်းတပ်ဖွဲ့မှ အမှုဖွင့်ခဲ့ကြောင်း လက်ရှိတွင် အမှတ်(၁၀) ရဲစခန်း၌ထားရှိကြောင်း၊ ဧပြီလ (၉) ရက်နေ့တွင် ချမ်းမြသာစည်တရားရုံးတွင် ရုံးချိန်းရှိကြောင်း သိရှိရပါသည်။
.
မြန်မာနိုင်ငံသတင်းမီဒီယာကောင်စီသည် ထိုကိစ္စနှင့်ပတ်သက်ပြီး တပ်မတော်သတင်းမှန်ပြန်ကြားရေးထံ ဆက်သွယ်ပြီး စုံစမ်းခဲ့ရာ ၎င်းကိစ္စသည် တပ်မတော်မှ လုပ်ဆောင်ခြင်းမဟုတ်ကြောင်း ပြည်ထဲရေးဝန်ကြီးဌာနမှ တိုက်ရိုက် ကိုင်တွယ်ဆောင်ရွက်သည့်ကိစ္စဖြစ်ကြောင်း အကြောင်းပြန်ကြားပါသည်။
.
မြန်မာနိုင်ငံသတင်းမီဒီယာကောင်စီသည် မဏ္ဍိုင် (၄)ရပ် တွေ့ဆုံပွဲများ၊ တပ်မတော်နှင့် အလုပ်ရုံဆွေးနွေးပွဲ များတွင် သတင်းသမားများအပေါ် ကျေနပ်မှုမရှိပါက သတင်းမီဒီယာဥပဒေအရ သတင်းမီဒီယာကောင်စီသို့ ဦးစွာ တိုင်ကြားရန် အစဉ်အမြဲ တိုက်တွန်းပြောဆိုလျက်ရှိပါသည်။
.
ယနေ့ကဲ့သို ကပ်ရောဂါဖြစ်ပွားနေချိန်တွင် သတင်းတု သတင်းမှားများကို တရားဝင်သတင်းဌာနများနှင့် ပူးပေါင်းတိုက်ဖျက်ရမည့်အစား ယခုကဲ့သို့လုပ်ဆောင်ခြင်းသည် မသင့်လျော်သကဲ့သို့၊ ဒီမိုကရေစီအသွင်ကူးပြောင်း ကာလမျိုးနှင့် မဆီလျော်မအပ်စပ်သော တုန့်ပြန်မှုဟု ကောင်စီက ရှုမြင်ပါသည်။
.
မြန်မာနိုင်ငံသတင်းမီဒီယာကောင်စီသည် အဆိုပါကိစ္စရပ်နှင့်ပတ်သက်ပြီး ဥပဒေနှင့်အညီ ဆောင်ရွက်သင့် သည့်ကိစ္စရပ်များကို ဆက်လက်လုပ်ဆောင်လျက်ရှိပါကြောင်းနှင့် ထပ်မံရရှိသော သတင်းများကိုလည်း ဆက်လက် ထုတ်ပြန်ပေးသွားမည်ဖြစ်ပါသည်။
.
.
၂၀၂၀ ပြည့်နှစ်၊ မတ်လ ၃၁ ရက်၊ အင်္ဂါနေ့
.
Voice Of Myanmar (VOM) သတင်းဌာန၏ အယ်ဒီတာချုပ်နှင့် CEO ဖြစ်သူ ဦးနေလင်း (ခေါ်) ဦးနေမျိုးလင်း အား ယမန်နေ့ မတ်လ(၃၀)ရက်၊ ည(၉)နာရီခွဲခန့် အချိန်တွင် CID မှဟု ဆိုသူလူတစ်စုက ကားဖြင့်လာရောက် ခေါ်ဆောင်သွားခဲ့ကြောင်း၊ ၎င်းကိစ္စနှင့်ပတ်သက်၍ မြန်မာနိုင်ငံသတင်းမီဒီယာကောင်စီအနေဖြင့် သတင်းမီဒီယာ ဥပဒေပါ ကောင်စီ၏လုပ်ပိုင်ခွင့်များကိုကျင့်သုံး၍ သက်ဆိုင်ရာဌာနများနှင့် စေ့စပ်ညှိနှိုင်းဖြေရှင်း ဆောင်ရွက်ပေးပါရန် မေတ္တာရပ်ခံပန်ကြားအပ်ပါကြောင်း ဦးနေလင်း (ခေါ်) ဦးနေမျိုးလင်း ၏ဇနီးဖြစ်သူက မြန်မာနိုင်ငံသတင်းမီဒီယာ ကောင်စီထံ စာရေးသားပေးပို့လာပါသည်။
.
မြန်မာနိုင်ငံသတင်းမီဒီယာကောင်စီသည် ယနေ့နံနက်တွင် အဆိုပါကိစ္စနှင့်ပတ်သက်ပြီး စုံစမ်းခဲ့ရာ ဦးနေလင်း (ခေါ်) ဦးနေမျိုးလင်းအား အကြမ်းဖက်မှုတိုက်ဖျက်ရေးဥပဒေ ပုဒ်မ(၅၀)က၊ (၅၂)က တို့ဖြင့် မန္တလေးတိုင်း မှုခင်းသတင်းတပ်ဖွဲ့မှ အမှုဖွင့်ခဲ့ကြောင်း လက်ရှိတွင် အမှတ်(၁၀) ရဲစခန်း၌ထားရှိကြောင်း၊ ဧပြီလ (၉) ရက်နေ့တွင် ချမ်းမြသာစည်တရားရုံးတွင် ရုံးချိန်းရှိကြောင်း သိရှိရပါသည်။
.
မြန်မာနိုင်ငံသတင်းမီဒီယာကောင်စီသည် ထိုကိစ္စနှင့်ပတ်သက်ပြီး တပ်မတော်သတင်းမှန်ပြန်ကြားရေးထံ ဆက်သွယ်ပြီး စုံစမ်းခဲ့ရာ ၎င်းကိစ္စသည် တပ်မတော်မှ လုပ်ဆောင်ခြင်းမဟုတ်ကြောင်း ပြည်ထဲရေးဝန်ကြီးဌာနမှ တိုက်ရိုက် ကိုင်တွယ်ဆောင်ရွက်သည့်ကိစ္စဖြစ်ကြောင်း အကြောင်းပြန်ကြားပါသည်။
.
မြန်မာနိုင်ငံသတင်းမီဒီယာကောင်စီသည် မဏ္ဍိုင် (၄)ရပ် တွေ့ဆုံပွဲများ၊ တပ်မတော်နှင့် အလုပ်ရုံဆွေးနွေးပွဲ များတွင် သတင်းသမားများအပေါ် ကျေနပ်မှုမရှိပါက သတင်းမီဒီယာဥပဒေအရ သတင်းမီဒီယာကောင်စီသို့ ဦးစွာ တိုင်ကြားရန် အစဉ်အမြဲ တိုက်တွန်းပြောဆိုလျက်ရှိပါသည်။
.
ယနေ့ကဲ့သို ကပ်ရောဂါဖြစ်ပွားနေချိန်တွင် သတင်းတု သတင်းမှားများကို တရားဝင်သတင်းဌာနများနှင့် ပူးပေါင်းတိုက်ဖျက်ရမည့်အစား ယခုကဲ့သို့လုပ်ဆောင်ခြင်းသည် မသင့်လျော်သကဲ့သို့၊ ဒီမိုကရေစီအသွင်ကူးပြောင်း ကာလမျိုးနှင့် မဆီလျော်မအပ်စပ်သော တုန့်ပြန်မှုဟု ကောင်စီက ရှုမြင်ပါသည်။
.
မြန်မာနိုင်ငံသတင်းမီဒီယာကောင်စီသည် အဆိုပါကိစ္စရပ်နှင့်ပတ်သက်ပြီး ဥပဒေနှင့်အညီ ဆောင်ရွက်သင့် သည့်ကိစ္စရပ်များကို ဆက်လက်လုပ်ဆောင်လျက်ရှိပါကြောင်းနှင့် ထပ်မံရရှိသော သတင်းများကိုလည်း ဆက်လက် ထုတ်ပြန်ပေးသွားမည်ဖြစ်ပါသည်။
.
https://www.facebook.com/khitthitnews/photos/a.390633294707356/885230681914279/?type=3&__xts__%5B0%5D=68.ARDoYjs_deP9h5gtaay8RyXe76G1Ybxze9JIOeboqR1oATyZeiLhHivnKlmVeQEnHjKTc3e5MxKjr7F3yJk1G8sqFcOEa6GhkYoDorf6Er0mI-eqquf3-VWl5SpFxhA48RpBnLqmmWOTuHZGVcLX1GmBLk5rZl4F1rHC-s3_MPPfGGFbtkpOlp5XEewV_yik0pQW0tDaKy_ZFh_q80pm0b0NmyqdX1hXkYgOKPBiO0Y5psUwpjuOGYsN9d7nkhY02w_mlQIEga7GVuGDl-Tmb-SWvQw1rBkbA5H1T8vvyuWHsdQy4tNtq7fnAalLpIWxdM6JUf-Fn--rxWRV57kS3mI&__tn__=-R
No comments:
Post a Comment