COVID-19 ကူးစက်ရောဂါ ကာလအတွင်း အပစ်အခတ်ရပ်စဲရန် ကုလသမဂ္ဂအတွင်းရေးမှူးချုပ်၏ တိုက်တွန်းချက်အား လိုက်နာကြရန် အရပ်ဘက်အဖွဲ့အစည်းများ တောင်းဆို
COVID-19 ကူးစက်ရောဂါကာလ အတွင်း အပစ်အခတ်ရပ်စဲကြရန် ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတာရက်စ်၏ တိုက်တွန်းချက်အား လိုက်နာကြရန် မြန်မာနိုင်ငံအတွင်းရှိ အရပ်ဘက် အဖွဲ့အစည်း ၃၀၀ ကျော်က မတ် ၃၀ ရက် တွင် ကြေညာချက်ထုတ်ပြန်ကာ တောင်းဆိုသည်။
COVID-19 ကပ်ရောဂါကာလအတွင်း အရှေ့တောင်အာရှ နိုင်ငံများတွင် လူ့ အခွင့်အရေးကို ကာကွယ်စောင့်ရှောက်နိုင် ရေးအတွက် ကုလသမဂ္ဂအထွေထွေ အတွင်း ရေးမှူးချုပ်က စစ်ပွဲများအားလုံး အပစ်အ ခတ်ရပ်စဲကြရန် အာဆီယံအဖွဲ့ဝင်အစိုးရ များကို တိုက်တွန်းထားပြီး COVID-19 ရောဂါထိန်းချုပ်ရေးတွင် အာရုံစိုက်နိုင်ရန် အတွက် အဆိုပါ တိုက်တွန်းချက်အား လိုက် နာရန် အရပ်ဘက်အဖွဲ့အစည်းပေါင်း ၃၀၀ ကျော်က မတ် ၃၀ ရက် တွင် ကြေညာချက် ထုတ်ပြန်၍ တောင်းဆိုခြင်းဖြစ်သည်။
အရှေ့တောင်အာရှဒေသတွင် လက်ရှိဖြစ်ပွားနေဆဲ တိုက်ပွဲများမှာ ဖိလစ်ပိုင်နှင့် မင်ဒါနာအိုတွင် လည်းကောင်း၊ အင်ဒိုနီးရှား ရှိ အနောက်ပါပူဝါတွင်လည်းကောင်း၊ ထိုင်း နိုင်ငံတောင်ပိုင်းတွင်လည်းကောင်း၊ မြန်မာ နိုင်ငံ၏ တိုင်းရင်းသားပြည်နယ်များတွင် လည်းကောင်း တွေ့ရှိရသည်ဟု အရပ်ဘက် အဖွဲ့အစည်းများ၏ ကြေညာချက်၌ ပါရှိသည်။
UNHCR ၏ အဆိုအရ ၂၀၁၇ ခုနှစ် တွင် အရှေ့တောင်အာရှ၌ စစ်ပွဲကြောင့် အတိဒုက္ခရောက်ကြရသူပေါင်း ၃ ဒသမ ၃၇ သန်းရှိပြီး ခန့်မှန်းခြေ ၁ ဒသမ ၄၆ သန်းမှာ ဒုက္ခသည်များဖြစ်ကြောင်း၊ နိုင်ငံတစ်ခုခုတွင် ခိုလှုံခွင့်တောင်းခံလိုက်ရသူများမှာ ၇၄၄၁၆ ဦးရှိကြောင်း၊ ၁ ဒသမ ၁၇ သန်းမှာ နိုင်ငံမဲ့ များနှင့် ၆၆၅၀၅၁ ဦးမှာ နေရပ်စွန့်ခွာရသူ များဖြစ်ကြောင်း အဆိုပါ ကြေညာချက်တွင် ဖော်ပြထားသည်။
COVID-19 က အကျပ်အတည်း ကြောင့် ဖြစ်လာသော ရွှေ့ပြောင်းနေထိုင်ကြ ရခြင်းကိုကိုင်တွယ်ရာတွင် အစိုးရများ၏ စွမ်းဆောင်ရည်ကိုလည်းကောင်း၊ ယင်းတို့ ၏ ကပ်ဘေးတုံ့ပြန် ဆောင်ရွက်နိုင်ပုံကို လည်းကောင်း စမ်းသပ်နေသည်မှာ မငြင်း နိုင်ကြောင်း အရပ်ဘက် ပြည်သူ့အဖွဲ့အ စည်းများက ကြေညာသည်။
အကြမ်းဖက်မှုများ ဖြစ်ပေါ်နေသော နေရာများနှင့် နိုင်ငံရေး မတည်ငြိမ်သော နေ ရာများမှ ရပ်ရွာပြည်သူများ၊ စီးပွားရေးနိမ့်ကျ ပြီး လူမှုရေးအရင်းအမြစ်များလည်း ယိုင်နဲ့ နေသော နေရာများမှ လူမှုဘဝများသည် ရောဂါကြောင့် ယခုပို၍ပင် ထိလွယ်ခိုက် လွယ်ဖြစ်ကာ လက်ရှိပဋိပက္ခများကို ပိုမိုဆိုး ရွားစေခြင်း သို့မဟုတ် ပဋိပက္ခအသစ်များ ပေါ်ပေါက်လာခြင်းတို့ ဖြစ်လာမည်ကို များ စွာစိုးရိမ်ပူပန်ကြောင်း ယခုကြေညာချက် တွင် ပါရှိသည်။
ထို့ကြောင့် တစ်ကမ္ဘာလုံး အတိုင်းအ တာဖြင့် အပစ်အခတ် ရပ်စဲရေးမှာ ပညာ သတိရှိသော ခြေလှမ်းဖြစ်ရုံသာမက ကျင့် ဝတ်သီလအရ လိုအပ်သဖြင့် စောင့်ကိုစောင့် ထိန်းရမည် ဖြစ်ကြောင်း၊ကပ်ရောဂါဘေးကို ထိန်းချုပ်နိုင်ရန် လိုအပ်သောအလုပ်မှန် သမျှကို အရှိန်အဟုန်မြှင့်ပြီး အများနှင့်အတူ ရင်ဆိုင်နေရသော ယခုပြဿနာကို ဖြေရှင်း ရန် ကောင်းမွန်ထိရောက်သော အဖြေရှာ ကြရပါမည်ဖြစ်ကြောင်း ယခု ကြေညာချက် တွင် ဖော်ပြသည်။
အပစ်အခတ်ရပ်စဲလိုက်ပါက လူသား ချင်း စာနာမှုဆိုင်ရာ အထောက်အကူများမှာ ချိနဲ့သောရပ်ရွာလူ့အသိုက်အမြုံများသို့ ရောက်ရှိလာနိုင်ပြီး လက်နက်ဖြင့် မပစ် မခတ်ရဘဲ အရေးပေါ်အခြေအနေအတွက် ညှိနှိုင်းအဖြေရှာနိုင်ကာ ပူးပေါင်းဆောင် ရွက်နိုင်သည့် အခင်းအကျင်းကို လမ်းမလွဲ စေဘဲ ဖွင့်လှစ်နိုင်ကြမည်ဖြစ်ကြောင်း အရပ် ဘက်ပြည်သူ့အဖွဲ့အစည်းများက ကြေညာ သည်။
လူသားချင်းစာနာမှု အကူအညီပေး ရေးလမ်းကြောင်းများ ဖော်ထုတ်နိုင်ရေးနှင့် အကူအညီများသယ်ပို့နိုင်ရေး၊ အထူးသဖြင့် ကျန်းမာရေး ပညာပေးလုပ်ငန်းများနှင့် ကျန်း မာရေး စောင့်ရှောက်မှုများကို ပဋိပက္ခဖြစ်ရာ အရပ်မှ ဒေသခံများထံပေးနိုင်ရန် မိမိတို့ တပ်များဘက်ကစ၍ အပစ်အခတ်ရပ်စဲရေး ကို ချက်ချင်းကြေညာပေးရန် အရပ်ဘက် ပြည်သူ့အဖွဲ့အစည်းများက တောင်းဆိုသည်။
အစိုးရအစီအမံများနှင့် လုံခြုံရေးလုပ် ငန်းများကို ကပ်ဘေးတုံ့ပြန်ရေး အစီအစဉ် များတွင် ထည့်သွင်းဆောင်ရွက်ရာတွင် တည်ဆဲနိုင်ငံတကာ လူ့အခွင့်အရေး ဥပဒေ သတ်မှတ်ချက်များ၊ စံချိန်စံညွှန်းများနှင့်အ ညီ ဆောင်ရွက်ရမည်ဖြစ်ပြီး အစိုးရအနေ ဖြင့် အရေးပေါ်အခြေအနေကို ကြေညာရာ တွင်လည်းကောင်း၊ ရပ်ရွာများကို ရောဂါ မကူးစက်စေရေးအတွက် သီးခြားကန့်ထား ရာတွင်လည်းကောင်း၊ တစ်နေရာမှ တစ်နေ ရာသို့ အသွားအလာ ဖြတ်တောက်ရာတွင် လည်းကောင်း လွတ်လပ်စွာထုတ်ဖော်ပြော ဆိုခွင့်နှင့် သတင်းအချက်အလက်ရပိုင်ခွင့်များကို ထိခိုက်စေခြင်းမဖြစ်အောင် ဆောင် ရွက်ပေးရန်လည်း ၎င်းင်းတို့က တောင်းဆိုသည်။
ကပ်ဘေးကို တုံ့ပြန်ဆောင်ရွက်ရာတွင် လူတိုင်းလုံခြုံရေးကို အရေးပေးဆောင်ရွက်ရ မည်ဖြစ်ပြီး အထူးသဖြင့် ကျန်းမာရေးလုပ် သားတို့တွင် လိုအပ်သော အကာအကွယ်များ နှင့် ကိရိယာများ လုံလောက်စွာရရှိရန် ဆောင်ရွက်ရမည်ဖြစ်ကြောင်း၊ လက်နက် များနှင့် စစ်တိုက်ရန်အတွက် သုံးစွဲနေသော ဘဏ္ဍာများကို ကျန်းမာရေးကဏ္ဍသို့ ပြောင်း ရွှေ့သုံးစွဲရမည်ကြောင်းလည်း ယခုကြေညာ ချက်တွင် တောင်းဆိုခဲ့သည်။
No comments:
Post a Comment