ကေအိုင်အေ တပ်ရင်း ၂၅ အား စစ်ကောင်စီက လေယာဥ်ဖြင့် တိုက်ခိုက်နေ
April 27 - Kachinwaves
မိုးမောက်မြို့နယ်၊ မြို့သစ်ကျေးရွာအနီးက ကေအိုင်အေ တပ်ရင်း ၂၅ အား စစ်ကာင်စီလက်နက်ကိုင်တပ်များက လေယာဥ်ဖြင့် တိုက်ခိုက်နေပြီး ယခုအချိန်ထိ တိုက်ပွဲပြင်းထန်နေကြောင်း သတင်းရရှိသည်။
"တပ်ရင်း ၂၅ နယ်မြေတွေကို လေယာဥ်တွေနဲ့ပစ်နေတယ်။ မနေ့ည ည သန်းခေါင်ထိတောင် ၄ ခေါက် ၅ ခေါက်ပတ်တယ်။"ဟု ကေအိုင်အိုဘသတင်းနှင့်ပြန်ကြားရေး တာဝန်ခံ ဗိုလ်မှူးကြီးနော်ဘူကဆိုသည်။
စစ်ကောင်စီ လက်နက်ကိုင်များက ခြေလျင်ဖြင့်လှုပ်ရှားခြင်းများကို အများအပြား မတွေ့ရကြောင်း ဆိုသည်။
ကေအိုင်အေ နှင့် စစ်ကောင်စီ လက်နက်ကိုင်များ ယင်းနေရာတွင် တိုက်ပွဲဖြစ်ပွားနေသည်မှာ တစ်လကျော်လာပြီဖြစ်ပြီး လေယာဥ်ဖြင့် တိုက်ခိုက်နေသည်မှာလည်း ၄ ရက် ရှိပြီဖြစ်သည်။
စစ်ကောင်စီ လက်နက်ကိုင် တပ်များက အလောဘွမ်စခန်း ဆုံးရှုံးခဲ့ရပြီး ခမရ ၃၂၀ တပ်ရင်းလည်း အသေအပျောက်များ သဖြင့် ကေအိုင်အေကို အင်းအားတိုးချဲ့ပြီး လေယာဥ်များ အသုံးပြု၍ တိုက်ခိုက်နေခြင်းဖြစ်သည်။
No comments:
Post a Comment