ကေအိုင်အေ တပ်ရင်း ၂၅ကို စစ်ကောင်စီလက်နက်ကိုင်တွေက လေယာဥ် ၉စင်းဖြင့်ပစ်နေ
April 30 - Kachinwaves
စစ်ကောင်စီလက်နက်ကိုင်တပ်များသည် မိုးမောက်မြို့ရှိ ကေအိုင်အေ တပ်ရင်း ၂၅တွင် လေယာဥ် ၉စင်းဖြင့် နံနက်အစောပိုင်းမှ စတင်ပြီး လက်ရှိချိန်ထိ လာရောက်ပစ်ခတ်နေကြောင်း KIO သတင်းနှင့် ပြန်ကြားရေးတာဝန်ခံ ဗိုလ်မှူးကြီးနော်ဘူက ပြောသည်။
မိုးမောက်မြို့ရှိ စစ်ကောင်စီလက်နက်ကိုင်များသည် လက်နက်ကြီးများဖြင့် ပစ်ခတ်နေသလို ကေအိုင်အေ ဘက်မှလည်း လက်နက်ကြီးတွေ ပစ်ခတ်နေကြောင်းလည်း ဆိုသည်။
"မြေပြင်မှာ တိုက်ခိုက်တာတွေတော့ မနက်ပိုင်းတော့မရှိဘူး။" ဟုဗိုလ်မှူးကြီးနော်ဘူကဆိုသည်။
ဧပြီ ၂၉ရက်နေ့က စစ်ကောင်စီတပ််များက ကျေးရွာများသို့ လက်နက်ကြီးများ ပစ်ထည့်သည့်အတွက် မိုးမောက်မြို့နယ်မှ အရွယ်အိုဖိုးတစ်ယောက် သေဆုံးခဲ့ပြီးအမျိုးသမီးတစ်ဦး၏ လက်မောင်း၌လည်း ကျည်ထိကာ ဒဏ်ရာအပြင်းအထန်ရရှိခဲ့ကြောင်း သိရသည်။
ကေအိုင်အေ တပ်ရင်း ၂၅အား စစ်ကောင်စီ လက်နက်ကိုင်များက လေယာဥ်ဖြင့် ပစ်ခတ်ပြီး တိုက်ခိုက်နေသည်မှာ ယနေ့ဆိုရင် ၆ရက် ရှိပြီဖြစ်သည်။
ငြိမ်းချမ်းရေးတိုးမြင့်ရန် မေလ တစ်လလုံး အပစ်အခတ်ရပ်စဲထားမည်ဖြစ်ကြောင်း ဗိုလ်မှူးကြီး ဇော်မင်းထွန်းက ဧပြီ ၂၉ ရက်နေ့ သတင်းစာ ရှင်းလင်းပွဲတွင် ပြောကြားထားသည်။
No comments:
Post a Comment