သမ္မတ ဦးဝင်းမြင့်အား ပုဒ်မ ၅၀၅ (ခ) နှင့် နိုင်ငံတော်၏ အတိုင်ပင်ခံပုဂ္ဂိုလ်အား ပုဒ်မ ၅၀၅(ခ) ၊ ဆက်သွယ်ရေးဥပဒေပုဒ်မ ၆၇ တို့ဖြင့် ထပ်တိုး တရားစွဲဆို
NEWS
PUBLISHED 1 MARCH 2021
သမ္မတ ဦးဝင်းမြင့်အား ပုဒ်မ ၅၀၅ (ခ) နှင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ယခင်စွဲဆိုထားသည့် ပုဒ်မများအပြင် ပုဒ်မ ၅၀၅ (ခ) ၊ ဆက်သွယ်ရေးဥပဒေပုဒ်မ ၆၇ တို့ဖြင့် ထပ်တိုး တရားစွဲဆိုထားကြောင်း သိရသည်။
ယနေ့ (မတ်လ ၁ ရက်) တွင် နေပြည်တော် ဇမ္ဗူသီရိမြို့နယ်တရားရုံးတွင် နိုင်ငံတော်သမ္မတနှင့် နိုင်ငံတော်၏ အတိုင်ပင်ခံပုဂ္ဂိုလ်တို့ကို Video Conferencing ဖြင့် ရုံးထုတ်စစ်ဆေးခဲ့ခြင်း ဖြစ်သည်။
ထို့အပြင် နေပြည်တော်ကောင်စီဥက္ကဋ္ဌ ဒေါက်တာမျိုးအောင်ကိုလည်း ပုဒ်မ ၅၀၅ ( ခ) နှင့် ယနေ့တွင် တရားစွဲဆိုခဲ့ကြောင်း သိရသည်။
ယခင်က နိုင်ငံတော်သမ္မတ ဦးဝင်းမြင့်အား သဘာဝဘေးစီမံခန့်ခွဲရေး ဥပဒေပုဒ်မ ၂၅နှင့် တရားစွဲထားသလို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ပို့ကုန်သွင်းကုန်ဥပဒေ ပုဒ်မ ၈ နှင့် သဘာဝဘေးစီမံခန့်ခွဲရေးဥပဒေ ပုဒ်မ ၂၅ တို့နှင့် တရားစွဲဆိုထားသည်။
ယနေ့ ရုံးချိန်းတွင် နိုင်ငံတော်သမ္မတ၊ နိုင်ငံတော်၏ အတိုင်ပင်ခံပုဂ္ဂိုလ်နှင့် နေပြည်တော်ကောင်စီဥက္ကဋ္ဌတို့ကို Video Conferencing ဖြင့် ဇမ္ဗူသီရိမြို့နယ်တရားရုံးတွင် ရုံးထုတ်စစ်ဆေးခဲ့ကြောင်း သိရသည်။
https://news-eleven.com/article/205358
No comments:
Post a Comment