ကာကွယ်ရေးဦးစီးချုပ်နှင့် KBCအဖွဲ့ မြစ်ကြီးနားတွင် တွေ့ဆုံ
By DVB 1 December 2020 Print Email
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ကချင်နှစ်ခြင်း ခရစ်ယာန်အဖွဲ့ချုပ် KBC တို့ဟာ ဒီဇင်ဘာ ၁ ရက်နေ့မနက်က ကချင်ပြည်နယ်၊ မြစ်ကြီးနားမြို့ ၊ မြောက်ပိုင်းတိုင်းစစ်ဌာနချုပ်အတွင်းမှာရှိတဲ့ မလိခရိပ်သာမှာ တွေ့ဆုံပါတယ်။
အဲ့ဒီတွေ့ဆုံပွဲမှာ စစ်ဘေးရှောင် အိုင်ဒီပီတွေ နေရပ်ပြန်နိုင်ရေးနဲ့ တပ်မတော် အနေနဲ့ မိုင်းရှင်းလင်းရေးမှာ ပါဝင်ဖို့တင်ပြခဲ့တယ်လို့ KBC အဖွဲ့ချုပ်ဥက္ကဋ္ဌ ဒေါက်တာ ခလမ်ဆမ်ဆွန်က ပြောပါတယ်။
“ငြိမ်းချမ်းရေးကတော့ အန်စီအေကိစ္စပေါ့။ လိုင်ဇာကနေပေါ်လာတဲ့ ဒီ အန်စီအေခေါင်းစဉ်က။ ကေအိုင်အေ မပါလာတဲ့အတွက် စိတ်မကောင်းဖြစ်ရတဲ့အကြောင်းပြောပါတယ်။ ဆက်လက်ပြီးမှ ဒါကိုအကောင်အထည်ဖော်နိုင်ဖို့ သူတို့ဘက်က တစ်ဖက်သတ်အပစ်အခတ်ရပ်စဲထားတဲ့အကြောင်းလည်းပြောပါတယ်။ ကိုဗစ်ကြောင့်လည်း သွားလာရတာအဆင်မပြေတဲ့အတွက် တွေ့ဆုံမှုတွေနည်းသွားတဲ့အ ကြောင်းလည်း ပြောပါတယ်။”
တပ်မတော်ကာကွယ်ရေးဦးစီးချုပ်၊ မြောက်ပိုင်းတိုင်းစစ်ဌာနချုပ်တိုင်းမှူး၊ လုံခြုံရေးနဲ့ နယ်စပ်ရေးရာဝန်ကြီး ကြည်း၊ရေ၊လေ တပ်မတော်အရာရှိတွေအပါအဝင် KBC က ၆ ယောက်ပါအဖွဲ့တို့ မနက်၁၀ နာရီကနေ ၁၁ နာရီခွဲအထိတွေ့ ဆုံခဲ့ကြတယ်လို့သိရပါတယ်။
သတင်း- မီးမီး
http://burmese.dvb.no/archives/426813
No comments:
Post a Comment