တပ်မတော်က အောက်တိုဘာလကုန်ထိ ထပ်မံအပစ်ရပ်
ရွှေဖီမြေ၊ စက်တင်ဘာ ၃ဝ ရက်၊ လားရှိုး
ကပ်ရောဂါ ကာကွယ်ထိန်းချုပ် ကုသရေးလုပ်ငန်း ပိုမိုထိရောက်လျင်မြန်စွာ ဆောင်ရွက်နိုင်ရေးနဲ့ ငြိမ်းချမ်းရေးလုပ်ငန်းစဉ်အတွက် အောက်တိုဘာလကုန်ထိ တတိယအကြိမ် ထပ်မံအပစ်ရပ်ကြောင်း မနေ့ စက်တင်ဘာ ၂၉ ရက်မှာ တပ်မတော်ဘက်က ကြေညာလိုက်ပါတယ်။
အကြမ်းဖက်လို့ သတ်မှတ်ကြေညာထားတဲ့ အဖွဲ့အစည်းရှိတဲ့နေရာတွေမှအပ ကျန်နယ်မြေတွေမှာ တပ်မတော်အနေနဲ့ စစ်ရေးဆိုင်ရာလှုပ်ရှားမှုကို အောက်တိုဘာလ ၁ ရက်ကနေ ၃၁ ရက်အထိ ထပ်မံတိုးမြှင့်ရပ်ဆိုင်းကြောင်း ကြေညာထားတာဘဲ ဖြစ်ပါတယ်။
တပ်မတော်ဘက်က မေလ ၁၀ ရက်ကနေ ဩဂုတ်လ ၃၁ ရက်အထိ ပစ်ခတ်တိုက်ခိုက်မှုရပ်စဲကြောင်း ပထမအကြိမ် ထုတ်ပြန်ခဲ့ပြီး စက်တင်ဘာ ၁ ရက်ကနေ ၃ဝ ရက်အထိ အပစ်ရပ်သက်တမ်း ထပ်မံတိုးမြှင့်ကြောင်း ဒုတိယအကြိမ် ကြေညာခဲ့ပါတယ်။
#တပ်မတော် #အပစ်ရပ် #ကိုဗစ် #ငြိမ်းချမ်းရေး
#ဓာတ်ပုံ- မိုင်းအတ္တ၊ ရွှေဖီမြေ
https://www.facebook.com/451214215694715/posts/800028444146622/
https://www.facebook.com/shwepheemyaynews/posts/800028444146622
No comments:
Post a Comment