ရန်ကုန်၊ ဇွန် ၂၉
ရခိုင်ပြည်နယ်၊ ပုဏ္ဏားကျွန်းမြို့နယ်မှ အရပ်သားတစ်ဦး ယနေ့ နံနက်ပိုင်း သေနတ်ပစ်ခတ်ခံရပြီး သေဆုံးသွားကြောင်း ဒေသခံများထံမှသိရှိရသည်။
ပုဏ္ဏားကျွန်းမြို့နယ်၊ နတ်တောင်ကျေးရွာမှ အသက် ၅၄ နှစ်အရွယ် ဦးစောထွန်းသည် သူ၏ အမျိုးသမီးကို သွားရောက်ခေါ်ဆောင်ရန် ကြာညိုကန်ရွာသို့ စက်လှေဖြင့် သွားရောက်စဉ် နံနက် ၉ နာရီခန့်က ပစ်ခတ်ခံရပြီး သေဆုံးခဲ့ကြောင်း၊ ပစ်ခတ်ခံရပြီးနောက် အလောင်းသည် လှေနှင့်အတူ မျောပါလာစဉ် ဆယ်ယူ ရရှိပြီး သေဆုံးကြောင်း အတည်ပြုကာ မွန်းလွဲပိုင်းတွင် သဂြိုလ်လိုက်ကြောင်း နတ်တောင်ကျေးရွာသားတစ်ဦးက ပြောသည်။
" လှေပေါ်မှာပဲ သူ့အလောင်းကို တွေ့တာ။ ရေထဲ မျောနေတာပေါ့။ သူက AA လည်းမဟုတ်ဘူး။ သူ့မိန်းမ သွားခေါ်ရင်းနဲ့ အပစ်ခံရတာ" ဟု နတ်တောင်ကျေးရွာသား ကိုနိုင်ဝင်းက ရန်ကုန်ခေတ်သစ်သတင်းဌာနသို့ပြောဆိုသည်။
Photo Credit - Ven Jota
No comments:
Post a Comment