Covid-19 ကူးစက်မှုကာကွယ်ပြင်ဆင်ခြင်း လုပ်ငန်းများ KIO ပြုလုပ်နေ

Covid-19 ကူးစက်မှုကာကွယ်ပြင်ဆင်ခြင်း လုပ်ငန်းများ KIO ပြုလုပ်နေ

ကေအိုင်အို ထိန်းချုပ်နယ်မြေများတွင်လည်း covid-19 ကာကွယ်သည့်အနေဖြင့် အဝင်အထွက်ဂိတ်များတွင် စစ်ဆေးခြင်း လူစုလူဝေး မလုပ်ရန် လုပ်ဆောင်နေကြောင်း ကေအိုင်အိုပြောရေးဆိုးခွင့်ရှိသူ ဗိုလ်မှူးကြီးနော်ဘူကဆိုသည်။

“အခုက တရုတ်ထက်၊ ရန်ကုန်တို့ မြစ်ကြီးနားတို့ဘက်ကလာတဲ့သူတွေကို ပိုပြီးစိုးရိမ်ရတယ်လို့ ထင်တယ်။ ဒါကြောင့် ဂိတ်တွေမှာ စစ်တယ်။ လူစုလူဝေးတွေအကုန်ပိတ်ထားတယ်။ ကာရာအိုကေတွေ အလှပြင်ဆိုင်တွေလည်း အကုန်ပိတ်ထားခိုင်းပြီ။ အခုချိန်ထိတော့ သံသယလူနာမတွေ့သေးဘူး။”ဟု ဗိုလ်မှူးကြီးနော်ဘူက ဆိုသည်။

စားသောက်ဆိုင်များတွင်လည်း ထိုင်စားတာမဟုတ်ပဲ ပါဆယ်ဆွဲခွင့်သာ ခွင့်ပြုထားပြီး အသုဘအခမ်းအနားများရှိရင်လည်း ၂၄ နာရီထက်မပိုပဲ အပြီးလုပ်ဆောင်ရန် ညွှန်ကြားထားကြောင်း ဆိုသည်။

နေရာပြင်ဆင်ထားမှုများ၊ ဆေးဝါးများ၊ ဆရာဝန်များသုံးရန်ပစ္စည်းများ၊ အသက်ရှူစက်များကိုလည်း တတ်နိုင်သလောက် ပြင်ဆင်ထားပြီးဖြစ်ကြောင်း ဆိုသည်။

Photo credit to: ALEN YANG TV

https://www.facebook.com/kachinwavesnews/posts/3150046765008414?__tn__=-R